Scout Songs

شعارات كشافة مارجرجس بالعجوزة

الشعارات الرسمية:

1- كشافة مارجرس حبة الخردل :

كشافة مارجرجس حبة الخردل *2

نفضل نكبر و نعلا و نعلا لحد ما نوصل فوق

 

فى البر وفى البحر و فى السما تلاقى لينا شروق

(كشافة*2 كشافة مارجرجس)2

 

2- كشافة حبة الخردل:

كشافة حبة الخردل (4)

 القرار: شجرة خدمة بنرويها بالمحبة نعليها

كشافة مارجرجس (2)

 وسط الزحمة ووقت الضيق جوة الصحرا بنبني طريق

القرار

ايد على ايد كتف في كتف يوم ورا يوم هانعدي الألف

القرار

 

3- المثالى و المثالية:

مثااااااااااااااالى

اخونا و حبيبنا كشافنا مثالى

فرقتنا الحلوة بتبعت تهانى

فرحة و زغروطة و بوكيه امانى

دى ليله حلوة من كل الليالى

يا مثالى*3

مثالييييييييييية

مثالية دايما انتى فى حياتك

وبيحلى كلامك مع كل اخواتك

متواضعة وهادية و منكرة لذاتك

محبة و امينة و مطيعة

مثالية*3

 

4-شعار حفلة ٢٠١٥:

أنا مستعد أدي الناس – من جهدي ووقتي ده أجمل إحساس

 لما تشوف الفرحة بجد مرسومة وينتشر الحب – أنا مستعد أساعد كل الناس
أنا مستعد أخدم يا كنيستي – آبائي خدمه فيكي من سنين 

 أكبر واطور من نفسي عشان أخدمك يا كنيستي – أنا مستعد أخدم يا كنيستي
أنا مستعد فطريقي الروحي -- برمحي وسيفي وإلهي معايا موجود

 لو العدو فكر يوم يقنعني أن أنا مغلوب  -- أنا مستعد في الحرب مهما يكون
كلنا إيد في إيد--- من شبل صغير للكبير

  نستعد مع بعض بجد ونطلع أحسن الشغل – الكشافة إسلوب حياتي

 

شعارات المعسكرات:

1- معسكر 2014:

فاكر معسكراتنا ….كانت بتعدي أيام في ثواني

 فيها أحلى الأوقات فيها أجمل ذكريات يلا ننصب خيامنا

جمعتنا الخيام صغير كنت أو هنا من زمان

نربط ربطات بحبال سيزل وشوم كمان وتعبنا بقى يحلى

يلا نعلي في صيحاتنا.. هي دي كشفتنا.. احنا كلنا رجال شبل وزهرة لجوال ورا قائدنا

 

2-معسكر 2015:

راح فين زمن المعسكر دة يا شبل دايما على بالي

 زهرة عملت هناك صيحة في الخيمة اللي قبالي

مبتدئ شدينا هنا خيمة على الأوتاد

مرشدة ربطتي لينا رابطة وحبكة تمام

 من كل مجموعة كشفية يختاروا منها متقدم وكمان متقدمة شاطرة هما مثالي ومثالية

جوالة سود العبيد لكن أصحاب قلوب بيضا في الشدة تلاقيهم جنبك بيرفعوا الخيمة

كانت أيام جميلة تفضل حلوة على بالي كشافة حبة الخردل دي تعبها بيحلالي

 

 

 

 

3-شعار نهاية المعسكر:

الدنيا فراق على طول و لقانا عمره ما بيطول وياريته يطول كدة كدة على طول

يمكن نتفرق لسنين يمكن نتقابل بعدين لكن بنقول و احنا سعدا و ماشيين

{(باى)*18ببيبى باى}*2

4-صيحة كشافة بتشد الخيمة:

القرار : كشافة بتشد الخيمة من الفجرية

كشاف بيربطلها ربطة الوتدية

يلا بينا نشد حبالنا شدة قوية

اخر النهار تبقى خيامنا متهوية

 

و فى الصباح رحنا قايمين

و مالخيام على طول خارجين *2

طابور رياضى قلنا جاهزين

تنشيط للدورة الدموية

القرار

عايشين حياة من ناااار

فيها جد فيها جد ليل و نهاااار *2

الحب ما بينا شعار

نتقدموا ليكو يا غاليين

القرار

 

 

 

 

 

 

 

 

 

 

 

 

5-صيحة تعيشى لينا يا كشافة:

القرار: تعيشي لينا يا كشافة يا صانعة الأبطال

 يسوع يزيد ويبارك ويكتروا الأبطال*2

 

 احنا الليلة سعداء بكل شبل وزهرة جداد

 مبروك عليكي يا أمي ولادك الجداد *2

عايشة الصليب يحميكي وحياتنا تحلى بيكي*2

 حياتنا...أملنا*2

 تعيشي لينا يا كشافة

القرار

من كل دقة قلب بنهدى ليكو الحب*2

و احنا الليلادى بإسمك....بنهنئ الأشبال و باقة الزهرات

عايشة الصليب يحميكي وحياتنا تحلى بيكي*2

 حياتنا...أملنا*2

 تعيشي لينا يا كشافة

القرار

6- من الصيحات الخفيفة:

1)نجمتنا فى السما ...بتضحك للقمر

شرفتونا يا ضيوفنا ...الليلة فى السمر

 

2)zzzzzzzzzzzzz

بوم شيكا بوم بوم بوم بوم

اهلا بيكم...مرحب بيكم

شيكا بوم بوم بوم بوم

شيكا بوم بوم بوم بوم باستيك سأفنتستيك

اسكيتش ده ڤيرى إنتيريستينج

 

 

 

 

 

Attachments:
Download this file (صيحات.docx)song[ ]8 kB

Tags: Scout Library, Troops, MS Scout, Mustard Seed Scout , Timeline, Cubs